तेल अभिभ । इजरायलले दक्षिणी लेबनानभित्र बफर जोन स्थापना गरी लिटानी नदीसम्मकोे क्षेत्र आफ्नो कब्जामा राख्ने योजना बनाएको छ ।
इजरायलका रक्षा मन्त्री इजरायल काट्जलाई उद्धृत गर्दै उक्त योजना सार्वजनिक गरिएको हो । उनका अनुसार उत्तरी इजरायलको सुरक्षा सुनिश्चित नभएसम्म दक्षिणी लेबनानबाट विस्थापित करिब ६ लाख बासिन्दालाई फर्किन दिइने छैन ।
सीमावर्ती क्षेत्रका घरहरू समेत ध्वस्त पारिने संकेत उनले दिएका छन्, यसले इजरायलले आफ्नो सैन्य रणनीतिलाई झन कडा बनाउने स्पष्ट हुन्छ ।
पछिल्ला हप्ताहरूमा इजरायलले दक्षिणी लेबनानमा तीव्र आक्रमण गर्दै आएको छ । आक्रमणमा लिटानी नदीमाथि बनेका पुलहरू पनि निशानामा परेका छन् । लेबनानका राष्ट्रपति जोसेप आउनले यी आक्रमणलाई जमिनबाट हुने आक्रमणको पूर्वसंकेत भएको बताएका छन् ।
