संरक्षण , न्युज डेस्क कलैया फाल्गुन १४ । बारा निर्वाचन क्षेत्र २ मा कांग्रेस , एमाले , जसपा बिच अन्तिम लडाइँ हुने आकलन गरिएको छ । रासवपाको उम्मेदवार चन्दन सिंह पनि चुनावी प्रतिस्पर्धामा रहेका छन । प्रतिनिधि सभा निर्वाचन अन्तर्गत बारा–२ मा लगातार तीन पटक निर्वाचित हुँदै जनता समाजवादी पार्टी ९जसपा० नेपालले आफ्नो वर्चश्व कायम गरेको यो क्षेत्र हो ।
तर यस पटक भने यो निर्वाचन क्षेत्रमा जसपा नेपालको गढ भत्काउन नेपाली कांग्रेस, नेकपा एमाले र प्रगतिशील लोकतान्त्रिक पार्टीले आ–आफ्नै अनुकूल हुने गरी रणनीति बनाएको देखिन्छ्न ।
२०७४ र २०७९ को प्रतिनिधि सभा निर्वाचनमा यो क्षेत्रबाट जसपा नेपालका रामसहाय प्रसाद यादव निर्वाचित भएका थिए । २०७९ मा निर्वाचित भएलगत्तै यादव उपराष्ट्रपति बनेपछि यस क्षेत्रमा २०८० वैशाखमा भएको उपनिर्वाचनमा जसपा नेपालकै केन्द्रीय अध्यक्ष उपेन्द्र यादव निर्वाचित भएका थिए । त्यसैले पनि यो क्षेत्रमा जसपा नेपाल बलियो प्रतिस्पर्धी मानिएको हो ।
फागुन २१ गते हुने निर्वाचनमा यस क्षेत्रबाट जसपा नेपालका रामकिशोर यादव, नेपाली कांग्रेसका भैयाराम यादव, नेकपा एमालेका बलबिर चौधरी, रास्वपाका चन्दन सिंह, जेनजी आन्दोलनपछि गठन भएको प्रगतिशील लोकतान्त्रिक पार्टीका शिवचन्द्र कुशवाहा लगायत उम्मेदवार छन् ।
